أنــــــــــا راضي .. رووووعهـ

* ~ * ~ * ~ * ~ * ~ *

ألا يا حبّي الماضي
أنا باللّي تبي راضي
تحت أمركْ ... تحت شوركْ
حكم ظلمكْ ... حكم جوركْ
أذا ترفض تساعدني...
أنا راضي
إذا ودّك تباعدني...
أنا راضي
دقيقة خلني أجمع باقي أغراضي
و بأرحل آخر الدنيا
أدواي جروحي و أمراضي
و ما تسوى علي ّ الجلسة في أرضك
على الفاضي !

تعيس اللّي سكن أرضك ، و جا يمّك
تعيس اللّي عشق صدرك ، و لا ضمّك
تعيس اللّي يحبّك ، و أنت... ما همّك

أنا راضي..
على عيني ، على راسي
على صدري ...
هموم ٍ تكتم أنفاسي
على قلبي...
القدر ، حكم الزمن قاسي
على خدّي ...نهر غرّقني بلباسي ...
و أنا راضي ...

أنا راحل حبيبي ، ما تودّعني ؟؟
و لو كلمة ...
و لو نظرة تشيّعني ..؟
رجيتك واسني لحظة ... و بس لحظة !
تراها آخر اللحظات...
عقبها عادي ضيّعني !
تظن لحظة أخيرة بس تشبّعني ؟
حشا و الله
عليم الله
ثواني تمر في قربك... تقطّعني
كفاية !
لا تودّعني ...

أنا راضي
باسافر دون ما أشوفك
ترافق رحلتي طيوفك
و ألبوم الصّور حقنا
تركته داخل رفوفك
مع الذكرى...
مع العبرة ...
مع الماضي...
و إذا حنّيت لي خذه و تأمّلني....
أنا راضي
و إذا فاض الوله و وديت تحضنّي
أنا ماضي !
تذكّر إنك القاضي...
حكمت تباعد القلبين
و ما همّك ... أهاجر وين...
و أنا باللي تبي راضي !

~ * ~ * ~ * ~ * ~
~ * ~ * ~
~

شوشو

يسلمووووووووووووووو يا شوشو

* أميرة الورد *

منورة أميرة ..

شوشو

مشكوووره