*.. وتلومني فيك ..*

وتلومني فيك يوم اغليك *** ياول همومي وتاليها
ابيع كل البشر واشريك *** حاضر سنيني وماضيها
ياغايب صرت افكر فيك *** يااغلى جروحي ومشقيها
تطولني حروتي واجيك *** والرجل تسبق خطاويها
اطلب حياتي وانا بعطيك *** تستاهل الروح واهديها
اشارة من نظر عينيك *** اجيبها لك و اوديها
قلبي يكلمك ويناديك *** من غيرك الناس مابيها
روحي بها ماحد يسويك *** انت الذي ساكن فيها
العين في غيبتك تطريك *** تبكي من فراق غاليها
يكفي عذاب الله يخليك *** بعدك وصدك معنيها
قصيدة الحب بين ايديك *** ما ظنك تكون ناسيها
حروفها الدافية تبكيك *** وعيوني الدمع معنيها